ﻣﻦ ﺯﺍﺭﻛﻢ ﻳﺎﺣﺮﺏ ﻣﺎﺿﻴﻊ ﺍﻟﺪﺭﺏ
ﻳﺎ ﺍﻫﻞ ﺍﻟﻜﺮﻡ ﻭﺍﻟﺠﻮﺩ ﻳﺎ ﺍﻫﻞ ﺍﻟﺸﺠﺎﻋﻪ
ﻣﻦ ﺿﺎﻣﺘﻪ ﺩﻧﻴﺎﻩ ﻳﺰﺑﻦ ﻋﻠﻰ ﺣﺮﺏ
ﻳﻜﺴﺐ ﻋﻠﻰ ﺿﻴﻢ ﺍﻟﻘﺒﺎﻳﻞ ﻣﻨﺎﻋﻪ
ﻣﻦ ﻻﺑﻪ ﻓﻲ ﺳﺎﻋﺔ ﺍﻟﻀﻴﻖ ﻭﺍﻟﻜﺮﺏ
ﺗﻔﺮﺝ ﺑﻬﻢ ﻭﺍﻟﻀﻴﻖ ﻳﻐﺪﻱ ﻭﺳﺎﻋﻪ
ﻳﺘﻘﺎﻓﺰﻭﺍ ﻓﺰﻋﺎﺕ ﻣﻦ ﻛﻞ ﻣﺮﻗﺐ
ﺷﻮﻕ ﻟﻬﺎ ﻣﺎ ﻫﻲ ﺍﻭﺍﻣﺮ ﻭﻃﺎﻋﻪ
ﻭﻻ ﺍﻟﻐﺎﻭﻱ ﻻﺗﻤﺮﺩ ﻋﻠﻰ ﺍﻟﺤﻖ ﻭﺍﺭﻋﺐ
ﺍﺫﻛﺮ ﻟﻪ ﺍﻟﺤﺮﺑﻲ ﻭﻳﺮﺧﻲ ﺳﻤﺎﻋﻪ
ﻳﻌﻮﺩ ﺍﻟﻰ ﺭﺷﺪﻩ ﺑﻮﺟﻪ ﻣﺴﺤﺐ
ﻭﻳﻘﻴﺪ ﺧﻴﻮﻟﻪ ﻭﻳﺮﺑﻂ ﺳﺒﺎﻋﻪ
ﻣﺎﻧﻲ ﻣﺒﺎﻟﻎ ﺣﺮﺏ ﻫﻲ ﻗﺎﺩﺓ ﺍﻟﺤﺮﺏ
ﺗﺎﺭﻳﺨﻬﻢ ﻟﻠﻨﺎﺱ ﻛﺎﺷﻒ ﻗﻨﺎﻋﻪ
ﺻﻴﺖ ﻟﻬﻢ ﺑﺎﻟﻜﻮﻥ ﺷﺮﻕ ﻭﻏﺮﺏ
ﻏﻄﺎﺀ ﺣﺠﺎﺝ ﺍﻟﺸﻤﺲ ﺑﺎﻫﺮ ﺷﻌﺎﻋﻪ
ﻭﺣﺮﺑﻲ ﺍﻟﻴﺎ ﻣﻦ ﻗﺎﻝ ﺣﻴﺎ ﻭﺭﺣﺐ
ﺍﺑﺸﺮ ﺑﺤﺮﺑﻲ ﻭﺍﻟﻜﺮﻡ ﻣﻦ ﻃﺒﺎﻋﻪ
ﻳﻮﺭﺩ ﺍﻟﻀﺎﻣﻲ ﻋﻠﻰ ﺍﻟﺤﻮﺽ ﻳﺸﺮﺏ
ﻟﻮ ﻛﺎﻥ ﻣﻮﺭﺩﻩ ﺧﻄﺮ ﺑﺎﻧﺪﻓﺎﻋﻪ
ﻳﻔﺮﺡ ﺍﻟﻰ ﻣﻦ ﺟﺎﻩ ﺿﻴﻔﻪ ﻭﻗﺮﺏ
ﻳﺴﺘﻘﺒﻠﻪ ﺑﺎﻟﺸﻮﻕ ﻣﻤﺪﻭﺩ ﺑﺎﻋﻪ
ﻳﺬﺑﺢ ﺳﻤﺎﻥ ﺍﻟﺤﻴﻞ ﻣﺎﻳﻘﺮﺏ ﺍﻟﺠﺮﺏ
ﻣﺎﻫﻮ ﺑﻴﺘﺮﺩﺩ ﻭﺗﺨﻄﻞ ﺫﺭﺍﻋﻪ
ﻭﻳﻌﻄﻲ ﻣﻦ ﺍﻟﻤﻮﺟﻮﺩ ﻣﻦ ﻏﻴﺮ ﻣﺤﺴﺐ
ﻣﺎ ﻳﺤﺴﺐ ﺣﺴﺎﺑﻪ ﻭﻳﺨﺸﻰ ﺍﻟﻤﺠﺎﻋﻪ
ﻭﻳﺴﻮﻕ ﻟﻪ ﻣﻦ ﺣﺮ ﻣﺎﻟﻪ ﻭﻳﻮﻫﺐ
ﻭﻳﻼﺣﻘﻪ ﺑﺎﻟﺠﻮﺩ ﻓﻲ ﻛﻞ ﻗﺎﻋﻪ
ﻗﺪ ﻗﺎﻟﻬﺎ ﺭﻭﺡ ﺍﻟﺘﻤﻴﻤﻲ ﻭﺟﻮﺏ
ﻓﻲ ﻣﻄﻠﻊ ﺍﺑﻴﺎﺗﻲ ﻭﻫﻲ ﻟﻪ ﻭﺩﺍﻋﻪ
ﻣﻦ ﺯﺍﺭﻛﻢ ﻳﺎﺣﺮﺏ ﻣﺎ ﺿﻴﻊ ﺍﻟﺪﺭﺏ
ﻳﺎ ﺍﻫﻞ ﺍﻟﻜﺮﻡ ﻭﺍﻟﺠﻮﺩ ﻳﺎ ﺍﻫﻞ ﺍﻟﺸﺠﺎﻋﻪ
ﻭﻣﻦ ﺿﺎﻣﺘﻪ ﺩﻧﻴﺎﻩ ﻳﺰﺑﻦ ﻋﻠﻰ ﺣﺮﺏ
ﻳﻠﻘﻰ ﻋﻠﻰ ﺿﻴﻢ ﺍﻟﻘﺒﺎﻳﻞ ﻣﻨﺎﻋﻪ
ﺑﻴﺘﻴﻦ ﻟﻚ ﻳﺎﺭﻭﺡ ﺣﻘﻚ ﻣﻮﺟﺐ
ﻭﺍﺣﻨﺎ ﻧﺼﻮﻧﻪ ﻭﻻ ﺗﺨﺎﻓﻮﺍ ﺿﻴﺎﻋﻪ
ﻭﺯﺩﻧﺎ ﻋﻠﻴﻬﺎ ﻗﺪﺭ ﻭﺍﻟﻨﻔﺲ ﺗﻄﺮﺏ
ﻻ ﻣﻦ ﺫﻛﺮ ﺍﻟﺠﻴﺪ ﻳﺤﻠﻰ ﺳﻤﺎﻋﻪ..
ليست هناك تعليقات:
إرسال تعليق